Leave a comment

Another article about TWA in Vikatan, a famous Tamil magazine

You can find the original article from the below link

http://www.vikatan.com/news/tamilnadu/87510-it-women-spend-their-weekend-in-farm-lands.html

னைவருக்கும் உணவு அளிக்கும் விவசாயிகளின் நிலை, வலிகளும் கடன்களும் நிறைந்ததாகவே இருக்கிறது. அதிகாரத்தில் இருக்கும் மத்திய, மாநில அரசுகளே அலட்சியமாக இருக்கும் நிலையில், ஐடி நிறுனவங்களில் வேலை செய்பவர்கள் சத்தம் இல்லாமல் புதிய வழியில் புரட்சி செய்துகொண்டிருக்கிறார்கள். ஏசியில் அமர்ந்து வேலை செய்பவர்கள், மற்றவர்களின் கவலைகளை கண்டுகொள்ளாதவர்கள் என்ற தங்கள் மீதான பிம்பத்தை மாற்றும் வகையில் விவசாயத்தில் ஈடுபட்டுவரும் இவர்கள் அனைவருமே பல ஆயிரங்களில் இருந்து லட்சங்களில் ஊதியம் பெறுபவர்கள். அத்தகையவர்களில் ஒருவர்தான் கலைவாணி. தன் விவசாயப் பணி அனுபவங்களை நெகிழ்ச்சியுடன் கூறுகிறார்.

“விவசாயக் குடும்பத்தைச் சேர்ந்த என்னோட பெற்றோர், புதுக்கோட்டை மாவட்டத்துல விவசாயம் செஞ்சுகிட்டு இருக்காங்க. விவசாயப் பணிகள்ல பெற்றோர்கூட நானும் சின்ன வயசுல நிறையவே வொர்க் பண்ணியிருக்கேன். ஆனா, சென்னையில ஐ.டி. வேலைக்கு வந்தபிறகு விவசாயத்துக்கும் எனக்குமான கனெக்டிவிட்டி குறைஞ்சுப்போச்சு. ஒரு வருஷத்துக்கு முன்னாடிதான் ‘TWA’ (The Weekend Agriculturist) அமைப்பு, விவசாயிகளின் நிலத்துக்கே சென்று சேவையா வொர்க் பண்ணிக்கொடுக்கிறதை தெரிஞ்சுக்கிட்டேன். சனி, ஞாயிறுகள்ல சும்மாதானே இருக்கிறோம். அந்த சமயத்துல நாமளும் விவசாயிங்களுக்கு உதவலாம்னு நினைச்சு, அந்த அமைப்புல உறுப்பினரா சேர்ந்து தொடர்ந்து விவசாய வேலைகளை செய்துகிட்டு இருக்கிறேன். இப்போ ஐ.டி. நிறுவனங்கள்ல வேலை செய்ற 30 பெண் தோழிகளும் ரெகுலரா என்கூட விவசாய வேலைகள் செய்ய வர்றாங்க. பெருசா ஒரு நல்ல விஷயத்தை செஞ்சுகிட்டு இருக்குற சந்தோஷத்தை, இந்த விவசாய வேலைகள் கொடுத்துகிட்டு இருக்கு. கூடவே என் தம்பியையும் இப்போ ஆர்கானிக் விவசாயம் செய்ற அளவுக்கு ஊக்கம் கொடுத்திருக்கேன்” என உற்சாகம் பொங்க கூறுகிறார், கலைவாணி.

விவசாய வேலைகள் செய்யும் பெண்கள்

தம்பதியாக இந்த அமைப்பில் இணைந்து விவசாய வேலைகளை செய்துவரும் ரேவதி, தன் அனுபவங்களை நெகிழ்ச்சியுடன் கூறுகிறார்.

“ஆள் பற்றாக்குறை, தண்ணீர் பிரச்னை, விளைபொருள்களுக்கு சரியான விலை கிடைக்காததுனு பல துன்பங்களை விவசாயிகள் தொடர்ந்து சந்திச்சுட்டு வர்றது விவசாயக் குடும்பத்தைச் சார்ந்த எனக்கும் என் கணவருக்கும் நல்லாவே தெரியும். பல விவசாயிகள் மாற்று வேலைகளை நோக்கிப் போயிட்டு இருக்காங்க. விவசாயம் அழிஞ்சுடக் கூடாது. விவசாயிகளுக்கு நம்மால் முடிஞ்ச உதவிகளைச் செய்யணும்ங்கிற நோக்கத்தோடு பல வருஷங்களா ‘TWA’  (The Weekend Agriculturist)- என்கிற பெயரில் ஃபேஸ்புக் குரூப்பை, ஐடி நிறுவனங்களில் வேலை செய்யும் விவசாய ஆர்வம்கொண்டவங்க ரன் பண்ணிட்டு இருக்காங்க. இந்த அமைப்பில் முக்கிய நபரா இருக்கும் நண்பர் சதீஸூன் அறிமுகத்துக்குப் பிறகு, நானும் என் கணவரும் இந்த அமைப்பில் சேர்ந்து வேலை செய்ய முடிவெடுத்தோம்.

விப்ரோ நிறுவனத்தில் பல வருஷமா வொர்க் பண்ணிட்டு இருந்தேன். சமீபத்துலதான் வேலையை ரிசைன் செஞ்சேன். சிடிஎஸ் நிறுவனத்தில் வேலை செய்யும் கணவரும் நானும் தொடர்ந்து சில வாரங்களாக ‘TWA’ அமைப்புடன் சேர்ந்து சனி, ஞாயிற்றுக்கிழமைகளில் திருத்தணிப் பக்கத்துல இருக்கும் ஒரு விவசாய நிலத்துக்கு வேலை செய்யப் போய்ட்டு இருக்கோம். காலை முதல் மாலை வரை வேலைகளைச் செய்வோம். இப்போ நாங்க ரெண்டு பேரும் எங்களோட ஃப்ரெண்ட்ஸ் பலரையும் இந்த அமைப்பில் இணைச்சு இருக்கோம். பச்சைப்பயறு, ராகி அறுவடைப் பணிகளுடன், களையெடுக்கும் வேலைகளைப் போன வாரம் செஞ்சோம்” என்கிற ரேவதி, விவசாயிகளின் வலிகளைச் சொல்கிறார்.

விவசாயப் பணியில் ஐ.டி. பெண்கள்

“வெறும் 15 சென்ட் நிலத்துல விளைஞ்ச ராகியை நாங்க பத்து பேர் சேர்ந்து அறுவடை செய்யறதுக்குள்ளே அவ்வளவு கஷ்டப்பட்டோம். ஆனால், நிலத்தை தயார்செய்றதுல தொடங்கி அறுவடை செய்ற வரைக்கும் விவசாயிகள் எவ்வளவு கஷ்டப்பட்டு இருப்பாங்கனு நினைச்சுப் பார்த்தோம். இப்படி விவசாயிகளின் வலியை கண்கூடப் பார்க்குறப்போ விவசாயத்தின் மீது அளவுகடந்த மதிப்பும், சிறுதானிய உணவுகள் சாப்பிடுறதுல பெரிய ஆர்வமும் ஏற்பட்டிருக்குது. நானும் என் கணவரும் இன்னும் சில வருஷங்கள் கழிச்சு சொந்த ஊருக்குப் போய் இயற்கை விவசாயம் செய்யலாம்னுன் திட்டம் போட்டிருக்கோம். அந்தத் திட்டத்துக்கு, இப்போ நாங்க செய்யும் விவசாய வேலைகள் உதவியாக இருக்கு. கூடவே, விவசாயிகளுக்கு எங்களால் முடிஞ்ச சின்ன உதவியாகவும் இதை நினைக்கிறோம். ஐடி வேலை செய்யும் பெண்கள் பலரும் தங்களோட குழந்தைகளோடும் கணவரோடும் வந்து விவசாய வேலைகளை செய்வாங்க. அதையெல்லாம் பார்க்குறப்போ, இன்னும் உற்சாகமா இருக்கு” என்கிறார் மகிழ்வுடன்.

விவசாய வேலை செய்யும் ஐ.டி. பெண்கள்

TWA அமைப்பின் தொடக்கம் மற்றும் பணிகளைப் பற்றி கூறுகிறார், இந்த அமைப்பின் ஒருங்கிணைப்பாளர்களில் ஒருவரும், ஐ.டி. நிறுவன ஊழியருமான சதீஸ்.

“எங்க அமைப்பின் முக்கியமான ஒருங்கிணைப்பாளர் ஒருத்தர், சில வருஷத்துக்கு முன்னாடி மூன்றாம் உலகப் போர் புத்தகத்தைப் படிச்சிருக்கார். ‘இனி விவசாயமும் விவசாயிகளின் நிலையும் மிக மோசமான நிலைக்குப் போகும்’ என்பதை உணர்ந்து, நம்மால் முடிஞ்ச உதவியை விவசாயிகளுக்குச் செய்யணும்னு நண்பர்கள்கிட்ட சொன்னார். அதன்படி உருவானதுதான், ‘The Weekend Agriculturist’ என்ற ஃபேஸ்புக் குரூப். விவசாய ஆர்வம்கொண்ட ஐடி நிறுவன ஊழியர்கள் பலரும் தொடர்ந்து இந்த அமைப்பில் உறுப்பினராக சேர, இப்போ 15,000 பேருக்கும் மேல இருக்காங்க. எங்களோடு நிறைய விவசாயிகள் தொடர்பில் இருக்காங்க. அவங்க தங்கள் விவசாயப் பணிகளைப் பற்றி எங்களுக்கு தகவல் சொல்வாங்க. அதை ஃபேஸ்புக் மற்றும் வாட்ஸ்அப் குரூப்பில் தெரிவிப்போம். ஆர்வமும், அந்தப் பகுதிக்கு அருகில் உள்ளவங்களும் சனி, ஞாயிறுகளில் வேலைக்கு வருவாங்க. இப்படி ஒரு விளைநிலத்துக்கு சராசரியா 10 – 20 பேர் ஒண்ணு சேர்ந்து வேலை செய்வோம். தண்ணி விடுறது, களை எடுக்குறது, அறுவடை செய்றது, பாத்தி கட்டுறது, உரம் போடுறதுன்னு அந்த விளைநிலத்துல, அப்போது என்ன தேவையோ, அந்த வேலைகளைச் செய்வோம்.

வாரத்துல அஞ்சு நாள் ஏசி அறையில் கம்ப்யூட்டர் முன்னாடி வேலை செஞ்சுகிட்டு இருக்குற எங்களுக்கு, தலைக்கு மேலே சூரியன், காலடியில் மண் என இயற்கையோடு வேலை செய்யறது புத்துணர்ச்சியையும் கொடுக்குது.தொடர்ந்து இயற்கை விளைபொருள் விழிப்புஉணர்வுகளையும் செய்யத் திட்டமிட்டிருக்கிறோம்” என்கிறார் உற்சாகமாக.

Advertisements
2 Comments

How to Identify Original Kangayam Cattle

This post will help you to find original Kangayam Cattle.

1 Comment

பழங்குடிகளுடன் ஒரு நாள் TWA குழுவினர்:

பழங்குடிகளுடன் ஒரு நாள் TWA குழுவினர்: 

Author: கலைவாணி சுப்பிரமணியன்

“நாங்க இப்ப ஒரு அஞ்சு பத்து வருஷமா தான் நல்ல டிரஸ் போட்டுக்கிட்டு,நல்ல சோறு சாப்டுகிட்டு நாகரிகமா இருக்கோம் முன்னாடிலாம் கோவணத்தை கட்டிக்கிட்டு தான் இருப்பாங்க எங்க ஆளுங்க”உங்கள மாறி யாராவது பேண்டு சட்டைலாம் போட்டுக்கிட்டு இங்க வந்தா,எங்க ஆளுங்களாம் பயந்து ஓடி போய் ஒளிஞ்சுக்குவோம்.சாமை,அரிசினு எதோ ஒன்னுல கஞ்சியா தான் காய்ச்சி குடிச்சுக்குவோம் முறையா சமைச்சி சாப்பிடறதெல்லாம் இப்ப கொஞ்ச வருஷமா தான் என்னோட சின்ன வயசுலலாம் அப்டி இல்லை.
இப்ப எங்க தலைமுறைலயும் இருக்க இளவயது பசங்க ஆறு மதம் வயல்ல இறங்கி வேலை செஞ்சுட்டு,அறுவடை எல்லாம் முடிச்சு கொடுத்துட்டு சென்னை,பெங்களூருன்னு கிடைக்கிற வேலைக்கு போய்டுவாங்க வேலை இருக்கும் பட்சத்தில் திரும்ப ஊர் திரும்புவாங்க, வேலைக்கு கூலினுக்கு ஏதும் தர வழக்கம் இல்ல எல்லாரும் சொந்தகாரங்கதான் அவுங்க எங்க வயல்ல வேலை பார்ப்பாங்க,நாங்க அவுங்களோட வேலைக்கு உதவி செய்வோம்.நெல்லு,சாமை,எள்ளு(பேய் எள்ளு ),துவரை இதெல்லாம் தான் இங்க அதிக அளவில் விளைவிக்கிறோம்.இப்போது பொன்னி ரக நெல் போட்டு இருக்கோம்.இது 7 மாத பயிர் ..மகசூல் கொஞ்சம் கம்மியாத்தான் வந்துருக்கு … நாங்க ரசாயனம் எதுவும் போடுறது இல்ல .அதல்லாம் இங்க கிடைக்குறதும் கடினம்,.பெருசா பூச்சி தாக்குதலும் இருந்தது கிடையாது..விதைக்கிறது ,அறுவடை பன்றது தான் வேலை .. இப்பதான் கொஞ்சம் வருடமாக பூச்சி அதிகமாக வந்த கீழே போய் பூச்சி மருந்து வாங்கி கொஞ்சமா அடிப்போம் ..

அப்புறம் மலை சரிவுல வாழை பயிரிட்டு இருக்கோம் ..எந்தவித பராமரிப்பும் இல்ல ..ஆனா நல்ல வந்துரும் …பழம் ரொம்ப ருசியா இருக்கும் …

பெரும்பாலும் வீட்டிற்கு தேவையானவற்றையே விளைவித்து கொள்கிறோம் …இதன் மூலம் குடும்ப வருமானம் வரது கொஞ்சம் கஷ்டம் தான்..அதான் பசங்க வெளியூருக்கு அப்பப்ப கூலி வேலைக்கு போயிட்டு வருவாங்க .. அரசாங்கத்துல இருந்து ஏதும் விவசாயம் சார்ந்த சலுகைன்னு கிடைக்கிறதில்ல,என்னென்ன சலுகைகளும் நாங்க பெற முடியும் னு கூட எங்களுக்கு தெரியல,குழம்புக்கு தேவையான ஒரு மிளகாய் பொடி அரைக்கவோ ,ரேஷன்ல ஏதும் வாங்கணும்னா கூட இங்க இருந்து புதூர் நாடு(உத்தேசமாக 10 கி மீ வரை இருக்கலாம்)வரை மலைப்பாதையில போகனும்,அங்க வரும் வழில மலை உச்சிலை இருக்க நாச்சியம்மன் கோவில் திருவிழா ஏழு நாட்களுக்கு நடக்கும் நாடகம்,நடனம்னு பெரியவங்க சின்னவங்க எல்லாரும் ஆடுவோம் ரொம்ப சிறப்பா இருக்கும்.எனக்கு நீங்க எல்லாரும் இந்த மாறி எங்களோட நிகழ்வுகளை கலந்துக்கணும்,அடிக்கடி இங்க வாங்க,அடிக்கடி எங்க கூட போன்ல பேசுனீங்கனா ரொம்ப சந்தோஷமா இருக்கும் எங்களுக்கு என்ற அன்பு கட்டளையுடன் அவர்களின் வாழ்கை முறையை பற்றிய எங்களின் அடுக்கடுக்கான கேள்விகளுக்கான பதிலையும் மிகவும் ஆத்மார்த்தமாக எங்களுக்கு விவரித்தார். ஜவ்வாது மலையில் உள்ள கீழானூர் மலை கிராமத்தின் தலைவரும் அங்கே ஒருநாள் நாங்கள் தங்குவதற்கு ஏதுவான வசதிகளை ஏற்படுத்தி தந்த ராமன் அய்யா.

அது ஏனோ தெரியவில்லை திட்டமிடாமல் செல்லும் எந்த ஒரு பயணமும் சொதப்புவதுமில்லை,திகட்டுவதுமில்லை. நாசித்துவாரங்களில் தூசி படியச் செய்யும் தீபாவளி என்ற களேபரத்தை இவ்வருடம் மனது நாடவேயில்லை,ஞாயிற்று கிழமைக்கு அடுத்து வரும் திங்கள் கிழமை போல ஒரு வித சலிப்பே தட்டியது.பெரும்பாலோர் ஊருக்கு சென்று இருப்பதால் மதி அண்ணன் அழைத்ததன் பேரில் நமது குழுவில் இருந்து “ஒரு நாள் ஜவ்வாது மலைப்பயணம்” சென்று வரலாம் என திட்டமிட்டோம்…எந்த வித திட்டமிடலும் இல்லாததால் முன்கூட்டியே குழுவில் தெரிவிக்க இயலவில்லை . அடுத்த முறை அங்கு பணியாற்ற குழுவாக செல்வோம் .. ஒரு வழியாக ஒன்று கூடினோம் கோயம்பேடு பேருந்து நிலையத்தில்.
அன்று ஏனோ பேருந்து நடத்துனர்களின் அன்பில் சற்று ஆடி போனோம்.திருப்பத்தூர் வரை பேருந்தில் நண்பர்களின் கும்மாளமும்,பாட்டும் செம ரகளை.நடத்துனர் எங்கள் மேல் எதையும் நடத்தவில்லை.13 டிக்கெட்னா சும்மாவா?
திட்டமிட்ட நேரத்திற்கு முன்னதாகவே திருப்பத்தூர் சென்றாகிவிட்டது.அங்கிருந்து மலைப்பகுதிக்குள் செல்லும் பேருந்தில் இடம் பிடித்து தந்த கணேஷ் தோழன் ஒரு நிமிடம் ஓசோன் உயரத்திற்கே சென்று விட்டார்..அதற்காக பேருந்தில் ஒரு ஆயாவிடம் வாங்கி கட்டிக்கொண்டது தனி கதை(ஹா ஹா)அதற்கும் அயரவில்லை அண்ணன் தனது இருக்கையை இன்னொரு ஆயாவுக்கு தாரை வார்த்து கொடுத்து நல்ல பெயர் வாங்கிவிட்டார் என்றென்றும் “பெண்களின் காவலன் “என்றால் கணேஷ் அண்ணனே!
மலைப்பகுதி சாலையில் அத்துணை கொண்டை ஊசி வளைவுகள் (hairpin bends),பனி சூழ்ந்த விளை நிலங்கள்,கிழக்குதிசையில் ஒரே ஒரு செங்கீற்று சூரியனை முழுவதும் உதிக்க அனுமதிக்காத மேகங்கள்,இத்தகைய கொள்ளை அழகினை ரசிக்க எங்களுக்கு அன்று கொடுப்பினை இருந்தது.
புதூர் நாட்டிலிருந்து ஷேர் ஆட்டோவில் பயணம்
“புதிய வானம்
புதிய பூமி
எங்கும் பனி மழை பொழிகிறது”பாடலுடன் குதூகலப்பயணம் .
நாங்கள் அன்று தங்க வேண்டிய கீழூர் கிராமம் வந்தது.எங்களின் இந்த பயனத்திற்கு முழுமுதற் காரணமான மதி அண்ணண் எங்களை அழைத்துச் செல்வதற்காக வந்திருந்தார், இறக்கமான பாதையில் 15 நிமிட பயணம்,தான்தோன்றியாக வளைந்து கிடந்த கொய்யா,மாதுளை,சீதா,நெல்லி மற்றும் இலைகளை விட அதிக எண்ணிக்கையில் காய்ந்திருந்த பலா மரங்கள் இன்னிக்கி ஒரு வேட்டைதான் என வாய்க்குள் முணுமுணுத்துக்கொண்டோம்.மதி அண்ணனின் வீடு இரண்டு நாய்க்குட்டி,ஆடு,மாடு,கோழிகள்,அம்மா,அப்பா,அண்ணன்,அக்காள்,சந்தோஷ் குட்டி,திருநிறைச்செல்வி என ஒரு பெரிய கூட்டுக்குடும்பம் சிரித்த முகமாக வரவேற்றனர்.போனவுடன் ஒரு பெரிய பலாப்பழத்துடன் வாய்ச்சண்டை கைச்சண்டை(பின் குறிப்பு யாரும் பல்லு துலக்கல ).அதன் பின்னர் வைக்கோல் போர் வேய்வதற்கு ஏதுவான மூங்கில் மரங்களை காட்டிற்குள் இருந்து கொண்டு வந்தோம்.நெல் மற்றும் சாமையின் தாள்களை கொண்டு வைக்கோல் போர் போடுவதற்கு உதவினோம்.
அங்குள்ள பழங்குடிகளின் வாழ்க்கை முறை,விவசாய முறை,பாரம்பரிய விதைகளின் சேகரிப்பே பயணத்தின் முக்கிய நோக்கமாக இருந்தாலும்
வைக்கோல் போரில் விளையாட்டு
பல்லு துலக்காம பலா பழம் சாப்பிட்டது
உரலில் மாவு இடித்தது
இளநீர் குடித்தது
கவன் குச்சியில் சிலம்பம் கத்துக்கொண்டது
அதிரசம்,பலா கொட்டை அவியல் சாப்பிட்டது
ஆற்றில் குளிப்பதா?கிணற்றில் குளிப்பதா என்ற முடிவெடுக்க toss சுண்டியது
மதிய உணவாக நாட்டு கோழி சாப்பாடு
மறந்த தமிழ் விளையாட்டுகளை ஒன்றன் பின் ஒன்றாக நண்பர்களுடன் நினைவு கூர்ந்தது
குலை குலையாய் முந்திரிக்காய் விளையாட்டு விளையாடியது
எழுபது கோவிந்தன் தாத்தாவினை “என்னை கட்டிக்கீறீங்களா”என வம்புக்கு இழுத்தது என ஒரே கேளியும்,கிண்டலுடன் சிறப்பாக பொழுது போனது.
மாலை நேரத்தில் ஊருக்குள் விவசாயிகளை சந்தித்து வர சென்றோம்.மடுமுழுங்கி,பேய்எள்ளு என்ற புது வகை பயிரினை பற்றி அறிந்து கொண்டோம்.சிறிதளவு விதைகளும் சேகரித்து கொண்டார்கள் நண்பர்கள்.பின் சீனீ மிளகாய், சோம்பு செடி, கொத்துச்சாமை,துவரை,பண்ணைக்கீரை,கடுக்காய் என கண்ணில் பட்ட அனைத்து பயிர்களைப் பற்றியும் வழிகாட்டியாய் வந்த மதி அண்ணன் உதவியுடன் தெரிந்து கொண்டோம்.நன்றாக இருட்டி விட்டது அடர்ந்த காட்டுப்பகுதியில் நடக்கிறோம் என்ற அச்சம் சிறிதும் அல்ல ஒரே நாளில் அவ்வளவு பரீட்சயம் ஆனது அந்த பாதைகள்…
பிரியும் தருணம் வந்தது
அத்தகைய அன்பானவர்களையும்,அந்த அழகான சூழலையும் விட்டு பிரிய மனமில்லைதான் என்ன செய்வது?
பிறிதொரு சமயத்தில் நிச்சயம் வருவாதாக கூறி விடைபெற்றுக்கொண்டு
நரகத்தை
Sorry
நகரத்தை
நோக்கி பயணித்தோம்.

 

11225402_1217362848321447_4372133961617839848_n 14572435_1217362888321443_2594562826793644110_n 14937315_1217363911654674_1231218647296871682_n 14947834_1217363498321382_7584267436136904344_n 14947911_1217363434988055_1199384415299987870_n 14956563_1217362641654801_5074679963760466985_n 14962752_1217363538321378_6874289905947801981_n 14963371_1217363748321357_4173664240842732674_n 14991965_1217364521654613_5371204269888406364_n

Our  Team:

14900539_1217364558321276_2537695974410312295_n 14991846_1217362991654766_3151448803591429345_n

2 Comments

TWA Farm Visit Experience – September 10

As part of our Learning Strategy, TWA has organised another learning event in Oragadam organic farm. It is an another opportunity to our TWA volunteers where we harvest organic paddy and learned a lot. Here I am happy to share some event experiences and pics and would also take this opportunity to thank our volunteers.

கலைவாணி சுப்பிரமணியன்

கடந்த வாரம் சனி கிழமை ஒரகடத்தில் நடைபெற்ற அறுவடை நிகழ்வு: பல்லாவரத்தை சேர்ந்த சுவாதி அவர்களுடைய பண்ணையில் 3 மாதங்களுக்கு முன்பு நமது குழுவினரால் பூங்கார் நெல் பயிரிடப்பட்டது.90 நாட்களுக்கு பிறகு கடந்த வாரம் நமது குழுவினாராலேயே அறுவடையும் செய்து,கதிரையும் களம் சேர்த்து வெற்றிகரமாக அடித்தாகி விட்டது..
Thanks to TWA&volunteers.
�மகிழ்ச்சி

 

14233045_589248394600767_7208827283786587127_n 14237471_589248944600712_3416684956127018923_n 14264213_589249641267309_5492099559005812610_n 14322189_589249304600676_7808534369402304724_n 14329974_589249337934006_762998485725963191_n 14333157_589249547933985_5293071646265789443_n

Leave a comment

TWA featured in DD Podhigai – Pudhiyadhor Ulagam Seivom

 

ஒரு தலைமுறை வேளாண்மையை விட்டு வெளியேறும் போது இன்னொரு தலைமுறை அதனை ஈடு செய்ய வேண்டும் ….நுகர்வு கலாச்சாரத்தின் மோகத்தாலும், அரசின் பொறுப்பற்ற தனத்தாலும் ,பருவநிலை மாற்றங்களாலும் கடந்த 10 ஆண்டுகளாக வேளாண்மையை விட்டு வெளியேறுபவர்களின் எண்ணிக்கை அதிகரித்து கொண்டே வருகிறது… நெற்கட்டுகளை சுமந்த தலைகள் இன்று செங்கற்களை சுமக்கும் அவல நிலைக்கு தள்ளப்பட்டு விட்டோம் …இன்று வேளாண் நிலங்கள்,செங்கற்சூளைகளாக மாறி வருகிறது என்பதே நிதர்சனம் .. நிலத்தில் கடந்த 40 ஆண்டுகளாக விரக்தியில் வேளாண்மையை விட்டு வெளியேறிய உழவர்கள் இன்று நகரத்தில் காவலாளிகளாக ,கூலிகளாக வேலை செய்து வருகின்றனர் … ஒரு உழவனின் தற்சார்பு வேளாண்மையை அழித்து அவர்களை கடனாளியாக்கி தற்கொலைகளுக்கு உட்படுத்தியத்தியதும் ,நிலத்தை விட்டு வெளியேற்றியதும் தான் வேளாண் கொள்கைகளை மேம்படுத்துவதாக கூறும் வேளாண் கல்லூரிகளின் ,அரசுகளின் அதிகபட்ச சாதனையாக கருத இயலும் …. ஒட்டு வாங்கி அரசியலுக்காகவே இன்னும் அரசியல்வாதிகள் உழவர்களை ஒரு கருவியாக பயன்படுத்தி வருகின்றனர்.வேளாண்மைக்கு தொடர்பே இல்லாத பெரும் நிறுவனங்கள் எல்லாம் இன்று நமது உணவு உற்பத்தி முறையை தங்களின் வியாபாரத்திற்காக கையில் எடுத்திருக்கும் போது நம் உணவினை நாமே உற்பத்தி செய்து கொள்வதற்கான நெருக்கடிகளுக்கு தள்ளப்பட்டு உள்ளோம் …

வேளாண்மையில் இன்று ஆட்கள் பற்றாக்குறை என்பது மிகப்பெரிய பிரச்சனையாக கருதினாலும் ,அதற்க்கு பல்வேறு காரணங்கள் கூறும் அதே நேரத்தில், காலம் காலமாக ஒரு பிரிவினரே வேளாண் தொழிலில் வேலை ஆட்களாக ஈடுபட்டு வந்த போது ,அவர்கள் இன்று அதில் இருந்து விடுபட்டு அடுத்த நிலைக்கு செல்வதை நாம் ஏற்றுக்கொண்டே ஆக வேண்டும் …இன்னும் எத்தனை காலம் உழைப்பு சுரண்டலுக்கு குறிப்பிட்ட பிரிவினரே உட்படுவார்கள் என்பதையும் கவனத்தில் எடுத்துக்கொள்ள வேண்டும்… வள்ளுவன் கூறியது போல் “எல்லாவற்றிற்கும் முதன்மையானது உழவு தொழிலே”வயிறு என்ற உறுப்பு இருக்கும் வரை மனிதனால் உழவு தொழிலை கைவிட இயலாது ….ஆக உணவு என்பது எல்லோருக்கும் அடிப்படையான ஒன்றாக இருக்கும் போது வேளாண்மையில் நம் அனைவரின் பங்களிப்பும் அவசியமானது …முக்கியமாக இளம் தலைமுறையினரின் பங்களிப்பு …

அதன் ஒரு முயற்சியாகவே கடந்த 3 வருடங்களாக பல்வேறு நபர்களையும் ஒருங்கிணைத்து ,அமைதிகளற்ற நகர சூழலில் இருந்து விடுபட்டு ,கிராமம் நோக்கி உழவர்களிடையே ஒரு தன்னபிக்கையை அளிக்கும் விதமாக நமது உழைப்பினை வார இறுதி நாட்களில் வேளாண்மை சார்ந்து இயங்கி வருகிறோம் …புது சூழலுடன் புதிய நபர்களின் நட்புகள் ,ஒத்த சிந்தனை கொண்ட மனிதர்களின் தொடர்புகள் ,எல்லாவற்றிக்கும் மேலாக நம் தட்டில் வரும் உணவிற்கு பின்னர் உள்ள உழைப்பினை,ஒரு உழவரின் தினசரி பிரச்னையை ,ரசாயன வேளாண்மையில் உள்ள பாதிப்பினை அறிந்து கொள்வதற்கு ஒரு படிநிலையாகவே இதனை கருதுகிறோம் ..நாட்டின் பெருவாரியான உணவு சிறு குறு விவசாயிகள் மூலமே உற்பத்தி செய்ய படுகிறது .அவர்களோடு இணைந்தே நமது பெரும்பாலான செயல்பாடுகள் செயல்பாடுகள் அமைந்து வருகின்றன ..அய்யா நம்மாழ்வார் உள்ளிட்ட பல்வேறு மனிதர்களின் பெரும் அனுபவத்தை உள்வாங்கி கொண்டு செயல்படும் இந்த பெரும்பயணத்தில் தொடர்ச்சியான தன்னார்வாளர்களின் ஆதரவுகள், மேலும் தொடர்ந்து செயல்படுவதற்கான தன்னப்பிக்கையை அளிக்கிறது.தொடர்ச்சியாக செயல்படுவோம் .எல்லோருக்கும் நன்றிகள் …

TWA குறித்தான ,அதன் செயல்பாடுகள் குறித்தான ,பங்களிப்பவர்களின் கருத்துடன் கூடிய காணொளி .

– தமிழ்ச் செல்வன்

நன்று : பொதிகை தொலைக்காட்சி

நன்றி : Prabhu mj

2 Comments

Traditional method to enrich the soil

Thanks to Ranga Malai Organic Farms – Manvasanai for sharing such useful information

In this article we will learn about a traditional method to enrich the soil and restore soil fertility from contamination caused due to the usage of chemical fertilizers, weedicide and pesticides..

In this method, we mix 24 varieties of seeds and sow it. Once its starts flowering, plough the land with rotavator and leave it for a month. So by the end of 4 to 5 months the soil fertility would be restored and harmful toxins will be removed.

We have attempted this method in one of our recently acquired land.

13620309_293488804332679_85491073156713724_n

English version.

Below are the list of seeds used in Mixed crop cultivation to recover the most contaminated soil and restore soil fertility.

1.Millets:
a. Jowar – 1 kg
b. Pearl Millet – ½ kg
c. Foxtail Millet – ¼ kg
d. Little Millet – ¼ kg
e. Banyard Millet – ¼ kg

2.Pulses:
a. Black gram – 1kg
b. Green Gram – 1kg
c. Cowpea – 1 kg
d. Channa dal – 2 kg
e. Thoor dal – 1 kg
f. Cluster Bean – ½ kg
g. field-gram – ½ kg

3.Oil Seeds:
a. Sesame seeds – ½ kg
b. Groundnuts (Peanut) – 2 kg
c. Sunflower seeds – 2 kg
d. Soya beans – 2 kg
e. Castor seeds – 2 kg

4.Aromatic Seeds
a.Dhanya Seeds – 1 kg
b. Mustard Seeds – ½ kg
c. Anise seeds – ¼ kg
d. Fenugreek seeds – ¼ kg

5.Green Manure:
a. Sunhemp – 2 kg
b. Dhaincha – 2 kg
c. Horsegram – 1 kg
d. Wild indigo – 1 kg

TAMIL Version:
பல தானிய விதைகளின் பட்டியல் மற்றும் அளவு

1. சிறு தானிய வகை
நாட்டுச் சோளம் – 1 கிலோ
நாட்டு கம்பு – ½ கிலோ
தினை – ¼ கிலோ
சாமை – ¼ கிலோ
குதிரைவாலி – ¼ கிலோ

2. பயிறு வகை
உளுந்து – 1 கிலோ
பாசி பயறு – 1 கிலோ
தட்டைப் பயறு – 1 கிலோ
கொண்டைக் கடலை – 2 கிலோ
துவரை – 1 கிலோ
கொத்தவரை – ½ கிலோ
நரிப்பயறு – ½ கிலோ

3. எண்ணெய் வித்துக்கள்
எள் – ½ கிலோ
நிலக்கடலை – 2 கிலோ
சூரியகாந்தி – 2 கிலோ
சோயா பீன்ஸ் – 2 கிலோ
ஆமணக்கு – 2 கிலோ

4. மசால் வகை
கொத்தமல்லி – 1 கிலோ
கடுகு – ½ கிலோ
சோம்பு – ¼ கிலோ
வெந்தயம் – ¼ கிலோ

5. தழைச்சத்து
சணப்பு – 2 கிலோ
தக்கப்பூடு – 2 கிலோ
காணம் – 1 – கிலோ
நரிப்பயறு – ½ கிலோ
வேலிமசால் – ¼
கிலோசித்தகத்தி – ½ கிலோ
அகத்தி – ½ கிலோ
கொளுஞ்சி – 1 கிலோ

Leave a comment

How to avoid Chilli Leaf Curl (Pepper Leaf Curl )

These tips were shared by Uma Shashikant madam, a enthusiastic and successful terrace Gardner. 

Chillies without Curls

My experiments with chillies and capsicums in Mumbai were tiresome as the leaf curl got to the plant, how much ever I tried. After several rounds of trial, I thought I had hit upon the formula, but had to move after just one successful crop on the balcony. Here at Atlanta, the same tricks worked again, and here are the notes:

1. Only the best seeds will do. Curl can be caused by viral and other infections. When it comes to chillies, do not take a chance with seeds; buy from known sources only.

2. Fuss about the soil. All the nutrition and composition should be in the soil, before transplanting. Prepare the pot to nurture the plant well. Add well-aged compost and manure, egg shell powder and bone meal right at the start. Top with aged compost or vermicompost, when flowering begins.

3. Water carefully. The soil has to drain completely, and also hold moisture well. Before growing chillies, master the art of watering right. Chilly is up there in the list of plants that will fail and curl with overwatering.

4. Season matters. Chillies do not like cool and long nights. They grow best in the sun and need a good 6-8 hours of bright and nice sunlight. They don’t flower or fruit when nights get longer or cooler. I still do not know what I will do when winter hits my garden here.

5. Do not overdo the nitrogen. If you feed the plant too much of fresh compost, manure, oil cakes and such, you will get sucking pests like aphids and will settle for curls, not chillies. The plant needs NO nitrogen top up, unless the leaves go pale. It needs the many micro-nutrients, instead.

What if you still have the leaf curls? Trim the plant completely. Allow medium to dry, almost. Add aged compost to which egg shell powder, wood ash, and epsom salt have been added. Drench thoroughly with compost tea. Place in full sun and ensure good air circulation to the bottom of the plant.

My leaf-curl-free crop of 11 varieties is finally thriving (both on the ground and in grow bags.